ТР Транспорт һәм юл хуҗалыгы министрлыгы «Казан-Чаллы» маршруты буенча тиз йөрешле «Метеор-2020»нең маршрутын һәм бәясен раслады.

Әлеге транспорт буенча Чаллыдан Казанга баручылар Чистай, Түбән Кама, Алабуга шәһәрләрендә дә була алалар.

Казаннан Чаллыга кадәр билет бәясе 2000 сум, ташламалы категориядәге кешеләр өчен 1600 сум тәшкил итә. Багаж өчен 400 сум түләргә кирәк.

Чаллыдан Чистайга кадәр 1000 сум. Ташламалы бәя – 800, багаж 200 сум тәшкил итә.

Чаллыдан Түбән Камага бару 500 сумга төшә. Ташламалардан файдаланучыларга күрше шәһәргә бару өчен 400 сум түләргә кирәк. Багаж бәясе 100 сум.

Алабуга бару өчен 400 сум, багаж өчен 80 сум түләргә кирәк була.

Метор 1 майдан 30 августка кадәр түбәндәге маршрут буенча йөри.

Тиз йөрешле судно җомга көнне Казаннан 8 сәгать 30 минутта чыгып китә, 11 сәгать 35 минутта Чистайда, 13 сәгать 20 минутта Түбән Камада, 13 сәгать 35 минутта Алабугада, 14 сәгать 20 минутта Чаллыда була.

Шимбә көнне Казаннан 8 сәгать 30 минутта кузгала, 11 сәгать 40 минутта Чистайда, 13 сәгать 25 минутта Түбән Камада, 13 сәгать 40 минутта Алабугада була.

Тулырак мәгълүмат ТР Транспорт һәм юл хуҗалыгы минитсрлыгы сайтында урнаштырылган.