Җирләү вакытында мәетнең маңгаеннан үбүче кеше инфекция йоктырырга мөмкин. Табиб-инфекционист Эдимилсон Миговски “Terra” басмасы хәбәрчесенә шул хакта белдергән, дип яза “Российская газета”.

“Бакыйлыкка күчкән кешенең якыннарының хәлен аңлыйм... Әмма мәеттәге бактерияләр саны нык арту авырту китереп чыгарырга мөмкин”, – дип аңлаткан профессор.

Аның әйтүенчә, тән температурасы үзгәрү һәм организмның таркала башлавына бәйле бу.

“Эчәклекләрдәге бактерияләр үлгән кешенең тән тиресендә дә үрчи башлый. Шуңа күрә мәетне үбәргә ярамый”, – дип кисәткән табиб.

Кеше гомеренең соңгы көннәрен хастаханәдә үткәргән очракта чир йоктыру куркыныч тагын да арта. “Анда нинди бактерияләр булганлыгын төгәл генә белмибез бит”, – дип аңлаткан белгеч.

Миговски әйтүенчә, мәрхүмнең күзләре, борыны һәм авызы бигрәк тә зур куркыныч тудыра, чөнки алар инфекцияләр өчен “ишек” булып тора.

Шул ук вакытта якынын югалатучы стресс кичерә, ә бу исә, һичшиксез, иммунитетта чагылыш таба. “Мондый вакытта кеше инфекциягә тагын да бирешүчәнрәккә әйләнә”, – дип басым ясап әйткән табиб.

Сүз уңаеннан, хәзерге вакытта Татарстанда “Һәр кешегә сәламәтлек” төбәк проекты гамәлгә ашырыла.