Қазақстанда алдағы төрт жылда жұмыс іздеуге 230 млрд теңгеден астам қаражат жұмсалады, деп хабарлайды LS.
Еңбек және халықты әлеуметтік қорғау министрлігінің жоспарында 2021-2024 жылдары "Еңбек" мемлекеттік бағдарламасын іске асыруға 231,6 млрд теңге жұмсау көзделген. Оның ішінде биылғы жылға – 74,9 млрд теңге, келер жылға – 80,7 млрд теңге. Өткен жылы 73,5 млрд теңге бөлінген болатын.
Еңбек министрлігінде қаражат халықты жұмыспен қамтуға жәрдемдесуге және еңбек ресурстарының ұтқырлығы арқылы еңбек нарығын дамытуға жұмсалатынын атап өтті. Осының есебінен өздігінен жұмыспен қамтылғандарға, жұмыссыздарға және біліктілігі жоқ адамдарға дағдыларын жақсартып, жұмыс таңдауға мүмкіндіктері артады деп күтілуде.
Нәтижесінде жұмыспен қамту орталықтарына жүгінгендердің үлесі 2024 жылы 93,4%-ға дейін өседі. Осы ұйымдар арқылы жұмысқа орналасқандардың үлесі 67%-ға дейін артпақ.
