Ақмола облысында 438 мың гектарға жуық жайылым жетіспейді. Өңірлік әкімдікте LS-ке осындай деректер айтылды.

Бұл деректер ауыл шаруашылығы жануарларының санын қайта есептеу кезінде алынды. Әкімдікте хабарлағандай, елді мекендердің шекарасын 17,8 мың гектарға кеңейту жоспарланған және осы жерлерден мал жаю үшін 3,5 мың гектар бөлінеді. Сондай-ақ, өткен жылы қайтарылған жерлерден 89,4 мың гектары жайылымға берілмек.

2022 жылы билік елді мекендердің шекарасын 78,6 мың гектарға кеңейтті және оларды 4,1 мың гектар ауылдық округтерге бекітті.

Естеріңізге сала кетейік, ауыл шаруашылығы министрі Ербол Қарашөкеев 17 облыстың 15-і жеке қосалқы шаруашылықтардың мал жаю үшін жайылым тапшылығын бастан кешіріп отырғанын айтқан болатын. Олардың ішінде ол Алматы облысын атап өтті. Сондай-ақ, тізімге Түркістан, Қызылорда және Атырау облыстары енді.

Сонымен қатар, LS-ке Павлодар облысының әкімдігінде хабарлағандай, 139 мың га жайылым жеткіліксіз. Әкімдіктің мәліметінше, жеке аулаларда мал саны 50 немесе одан да көп бастан асатын фактілер анықталды. Бұл елді мекендердің айналасындағы жайылымдарды ұтымсыз пайдалануға алып келеді және жүктеме нормаларын, ауыл шаруашылығы жануарларын күтіп-бағу жөніндегі санитарлық нормаларды бұзуға әкеп соғуда. Осы мәселелерді шешу үшін жеке аула туралы заң қабылдау қажет.

Бұл ретте Алматы облысында жер тапшылығы 1,4 млн га құрайды. Биылғы жылы 78,2 мың га жерді қайтару жоспарлануда. Қазіргі уақытта пайдаланылмайтын 285,5 мың ға жайылымдық жерлерді мемлекеттік меншікке қайтару бойынша жұмыс жүргізіліп жатыр.