Қазақстанда утилизациялық алымдарды жинау үшін жеке мемлекеттік оператор болады немесе ол өнеркәсіпті дамыту қорының базасында пайда болады. Бұл туралы экология, геология және табиғи ресурстар министрі Серікқали Брекешев айтты, деп хабарлайды LS.
Жаңартылған үкіметтің алғашқы отырысында ол, сондай-ақ, утилизациялық алымдар коэффициенттері қайта қаралатынын хабарлады.
Бұдан басқа, отандық көлік құралдары мен ауыл шаруашылығы техникасын сатып алушыларға утилизациялық алымы есебінен ваучерлер берілетін болады.
Сонымен қатар, Брекешевтің айтуынша, 2016 жылдан бастап қазіргі уақытқа дейін утилизациялық төлемнен түскен түсімдер 691,9 млрд теңгені құрады. Отандық автоөндірушілерге 338,9 млрд теңге көлемінде кәдеге жарату түрінде бұрын төленген қаражат қайтарылды, 102 млрд теңге экологиялық мәселелерді шешуге және 49,1 млрд теңге салық төлеуге бағытталды. Бүгінгі таңда қаражат қалдығы банктерде жатыр және ол 220,6 млрд теңгені құрайды.
Естеріңізге сала кетейік, ӨКМ Операторы енді утилизациялық алыммен айналыспайды.
