Алматы облысында шетелдің қатысумен төрт жоба іске қосылады. Бұл туралы LS-ке өңірлік әкімдікте хабарлады.

Агроөнеркәсіптік кешенде 2021-2025 жылдары жаңа объектілер ашылатын болады. Ақпаратқа сәйкес, жалпы құны 68,8 млрд теңге, 417 жұмыс орны бар.

Биылғы жылы 1 млрд теңгеге 600 бас ірі қара малға арналған сүт-тауар фермасын салу бойынша жобаны іске асыру көзделген. Инвестор Ираннан келген компания. Нысанның қуаттылығы жылына 1,8 млн литр сүтті құрайды деп күтілуде. 28 жұмыс орны құрылады.

Келесі жылы арабтардың қатысуымен 32,8 млрд теңгеге жоба іске қосылады деп күтілуде. Олар облыста ауданы 1 мың га болатын бақша салып, сақтау және қайта өңдеу цехтарын салмақ. Қуаттылығы – жылына 40 мың тонна жеміс өңделiп, 199 адам жұмыспен қамтылады.

Ресейлік компания (жабық сумен жабдықтау қондырғысы) технологиясы бойынша атлантикалық лосось өсіретін зауытты салуға және пайдалануға беруге көмектеседі. Бұл жобаға салынған инвестиция 15,75 млрд теңгені құрайды. Нысанның қуаттылығы – жылына 2,5 мың тонна. Жұмыспен 40 адам қамтамасыз етілмек. Кәсіпорын 2023 жылы іске қосылады деп күтілуде.

2025 жылы американдық инвестордың қатысуы мен тағы бiр жобаны бастау жоспарлануда. Ақпаратқа сәйкес, облыста әрқайсысы 10 мың ірі қара малдан үш бордақылау алаңы пайда болады. Құны – 19,25 млрд теңге, жұмыс орындары – 150.

Естеріңізге сала кетейік, АҚШ-тың дәл осы компаниясы өңірде 127,5 млрд теңгеге ет өңдеу зауытын салуды жоспарлап отыр. Алдын ала мәліметтер бойынша, зауыттың қуаттылығы тәулігіне 2 мың ірі қара мал басын немесе шамамен 100-120 мың тонна етті құрайды.